Alibi - 一切很美

食物：$$$$

環境：$$$$

服務: $$$$

三層架下午茶吃得多，組典如半島酒店，靚景如Upper House，開揚如洲際，我也嚐過。但也及不上我今次吃到，於Cordis Hotel五樓Alibi供應既呢個「水晶之吻」咁爆，實在是正到唔得掂。究竟這個Crystal Kiss下午茶有咩咁巴閉？酒店與水晶名牌Swarovski合作，下午茶所採用的酒杯與碟子，均是Swarovski，隻隻杯碟閃令令，有夠誇張。

  

這款三層架下午茶，會配上Perrier-Jouet的香檳，看著汽泡緩緩升起的美酒，悠閒地呷一口，輕鬆的感覺是多麼棒，所有壓力也得以暫時放下。不喝酒的朋友，也可選擇各款Mocktail，同樣迷人。

除了放在三層架的美食外，當然少不了下午茶的必然正選Scone啦！熱暖的英式鬆餅，塗上Clotted Cream以及洛神花果醬，鬆軟可口，真想「安哥」一件。

由底層的咸點開始，酥皮上是鮮甜的蟹肉，以及魚籽醬和龍蝦清湯凍，既甜美又富口感；蒸蛋之頂頭鋪上海膽與阿拉斯加蟹肉，鮮上加鮮；香檸三文魚伴北海道帶子，也相當美味；不過最喜歡的，是香脆而內含濃郁龍蝦湯的香炸龍蝦丸子，吃時要小心爆汁。

中間與上層均是甜品系列，桂花果凍是預期之中的清新，但薰衣草巨峰提子果凍才是我的至愛，巨峰提果凍本已超美味，粒粒薰衣草啫喱精華更有助提升層次，加上誘人既紫色，輕易俘虜我的心。

味帶咸的粉紅岩鹽果仁朱古力，有一份獨特之魅力。精緻的紅石榴意大利奶凍，上面更在有紅嗓子與水晶啫喱，要奪女士們芳心，無難度。

惠顧呢個咁華麗的下午茶餐 ($628/2位)，在指定位置拍照並上載至社交平台，即可獲贈兩條施華洛世奇的水晶頸鍊，筍得有點不可思議。由於太筍，所以酒店每天只會供應十份這「水晶之吻」下午茶，要食趁早啦！

帶你的女神來吧！相信佢一定唔會抗拒，你至少有機會做兵。

餐廳資料:
Alibi
旺角上海街555號香港康得思酒店5樓
35523280