Lulu - 忽然李斯特城

食物：$$$

環境：$$$

服務：$$$

忘了多少年沒出來睇波，趁臨近季尾，相約兩位老死，睇曼聯對李斯特城，呢場看似有意義，實質冇咩意義既賽事。

李斯特城，無球星，無財力既一隊波，舊年僅僅唔使降班，發夢都估唔到佢可以攞英超冠軍。佢季前的奪標賠率，係五千賠。

如果，當時我思覺失調，買$100，就嬴到五十萬，可以買到個車位……

不過，世上邊有咁多如果呀！

  

難得出來睇波

話說回頭，實在太耐無出來蒲，以往去慣的幾個場，敵不過歲月，已黯然結業。老友上網，找來這家LuLu。

 

健康之選

來到酒吧，老友也要吃沙律，即管整份凱撒沙律，並不是正規，但當多吃些菜蔬，健康一點，也不失為過。

 

流心

香口嘢當然少不了，芝心蝦丸，蝦既成份不多，然而，新鮮炸起，熱得燙咀，加上不俗的流心效果，亦未致難食。

 

勝在夠熱

再來的，是炸魚薯條，粉漿太厚太硬了，唯一的好處，只是夠熱，煙紛紛冒出。老友專攻的薯條，亦不是傳統英國的那款。

 

賣相一般般

也來一客意粉，千揀萬揀，還是回到卡邦尼的懷抱。這客風乾火腿卡邦尼意粉，賣相唔多吸引，但味道還可，同埋師傅好慷慨咁俾咸香的火腿，挽回少許分數。

 

歡樂一晚

這一夜，突然多左好多李斯特城既粉絲~~

餐廳資料:
Lulu
尖沙咀河內道5-7號普基商業大廈地下2號舖
2312 0468