新店速遞：Cafe Hillywood - 品味生活

食物：$$$1/2

環境：$$$$

服務：$$$1/2

通常，位處地牢的食肆，不管是Café、麵檔，抑或是茶餐廳，總會吸引到「懶人」來打躉，大概是貪其隱蔽。

筆者乃廢到盡頭的廢青，愛蒲此類「蛇竇」，希望找尋一些隱秘又舒適好hea的地方，食物水準出色就更fit啦！

死好命，又俾我發現了一個好地方。

呢度，除左係一間Café，晚上，更會是夾Band，同埋舉辦小型演唱會的地方，青年腦細真懂享受。

   

好Hea的地方

某天，我與朋友，前來消磨了半天時間。

 

可揀沙律或湯

每人點選一份午餐，可跟湯，或者沙律。這兒既沙律，特點是加入了松露油，多一份香氣。

 

兒時最愛的湯

是日的湯，係忌廉粟米湯，不知多久沒嚐過。粟米已打成茸，不會吃出粒粒的粟米，不過味道唔錯，若溫度再熱啲，便更好。

 

手工麵

挑了拿破崙意粉，加十個大洋，可轉手工麵，何樂而不為?

汁醬是預期中的醒胃可口，手工麵的口感與蛋香，跟一般的意粉，實是兩碼子的事。正如另一食友所言，試過好難返轉頭。

 

欠了薯餅

另一份是All Day Breakfast，內容來來去去都係咁上下，個人認為，感覺更為重要。像這裡，砌得靚靚仔仔的，蛋炒得嫩滑，帶松露香，菇也是爽口，多士夠脆，已合格有餘。當然，若有塊薯餅在陣，感覺必會仲好。

 

總要有一杯

餐後，肯肯定要有杯深情咖啡，才能讓我Hea足半天。

餐廳資料:
Cafe Hillywood
尖沙咀柯士甸道152號好兆年行地舖
2762 1727