樂燒遙冰室 - (可)樂透了

食物：$$$1/2

環境：$$$1/2

服務：$$$

想不到吃什麼，沿海皮邊走邊諗，去到碼頭，恰巧有船到馬灣 (一天只得三班船)，可能係整定，不理三七廿一，跳上船才算。

十分鐘，便到達馬灣，一個滿載渡假Feel的地方。找餐廳醫肚前，先到沙灘那邊Hea一Hea。很喜歡在這吹吹海風，諗唔諗到嘢是其次，感覺特別精神爽利。

每次均是幫襯海旁的餐廳，是日就想轉轉口味，深入村屋一帶，搵間茶記/ 冰室，感受馬灣的另一番滋味。

  

探索一下

隨意的，搵到了一家叫做樂燒遙的冰室，沒有上網睇佢既評論，隨遇而安。

 

可樂為主題

相信，店主是可樂迷，因為餐廳是以可樂為主題。是可口可樂，不是百事呀！

 

充斥每個角落

可樂模型、滑板、迷你汽水機、不同花款年份的罐裝與枝裝汽水，每個角落也充斥住可樂的蹤影，彷如身處可樂博物館咁。

 

茶記的全日早餐

去冰室，點All Day Breakfast，茂李就茂李一次啦！這份全日燒遙，茄汁焗豆不致凍冰冰，炒蛋沒有過老，煙肉唔怕煎到乾柴柴，啖啖肉既腸岩晒我，還有香脆又微熱的牛油豬，與及新鮮蕃茄，以茶記水準來計，收貨有餘。

 

正常發揮

凍咖啡也是以可樂玻璃杯作盛器，正正常常既茶餐廳水準。不過，點解，我當時無諗過要杯凍檸樂呢?

 

好舒服

我覺得，呢間嘢幾好喎~

餐廳資料：

樂燒遙冰室

馬灣大街村東13號地舖