Palette - 繽紛自助餐

食物：$$$
環境：$$$$
服務：$$$$

我，其實都幾型。好似係… 曾經係… 應該係…

從前返學，我都有穿過 “阿媽黎”白恤衫、”約克”西褲、$1290狗牙底帆船鞋、 “傻婆”銀包(仲要突個鐵牌出嚟，同埋 “M 鴨”書包。當年係又潮又型架! 哈哈!

今時今日，講到型，必要說紅磡呢間Hotel Sav。職員年青又醒目，酒店充滿繽紛色彩，就是吃自助餐的地方Palette，也是活力過人。

 

兩款蠔

 食Buffet，人人都講回本位，海鮮絕對是這兒一大的回本位。現今許多酒店/餐廳的任食，已沒有生蠔供應。呢度則有兩款，水準不俗。再者，還不乏大大隻的澳洲虎蝦、肉厚的翡翠螺、蟹腳，以及開邊龍蝦等，海鮮迷定必滿足。

 

48個月...

冷盤方面，基本的Cold Cut，同埋各式各樣的沙律肯定唔會少，48個月的風乾火腿更是亮點。如果可以切得靚仔啲，就發達了。
 

想不到有小籠包

至於熱葷，有中也有西，中的包括點心和燒味，眼見這有小籠包，但我並沒試，反而嚐了黑毛豬叉燒，想不到自助餐都用咁上等的材料。西式的燒牛肉與燒羊架，筆者會較喜羊，火候好一點，又不失應有的羊羶味。
 

吃不下了

朋友說從不明白自助餐要食粉麵，我肯定都唔會食，Quota真有限，但呢度都照顧到要食碗粉麵才飽足的食客。
 

進攻

細食既我，通常兩Round後都可以向甜品進發。Palette甜品選擇唔算小，既有幾款西式蛋糕，如芝士蛋糕等。亦供應凍杯，如荔枝果凍。仲有好多口味/ 顏色的迷你馬卡龍，睇見都開心。

正!

呢度更有HD雪糕，四款口味，當中包括我喜歡的Cookies & Cream。只要有哈根大師雪糕，就真係無得輸。

 

消滯

再呷幾口熱檸檬茶，又是愉快的一個晚上。

如果，鄰桌班人可以說話/笑得細聲點，會好好多。

 

 

餐廳資料：

Palette

紅磡蕪湖街83號逸.酒店1樓

2275 8778