曾幾何時，吃得瘋狂，每年十餐八餐大閘蟹，視等閒。
隨著年紀漸長，再也不能像以往般放肆，頂盡兩、三餐已經好足夠。
由於配額太有限，食就要食得精，唔可以隨便浪費。
作為帝京的忠粉，其中之一餐當然會留俾佢。今年的秋菊蟹宴，依舊包含點心、湯品、大閘蟹、小菜及甜品，仲可以配薑茶或花雕，非常豐富。套餐由兩款精緻的點心開始，蟹粉小籠包，頂頭放了一撮黑魚籽，更添矜貴。紅菜頭蟹肉海皇餃，色澤亮麗，外型靚仔，內有蝦肉及蟹肉等，好吃。湯品可選菊花五蛇燴花膠，或者杏汁白肺螺頭燉花膠，去年已嚐過蛇羹，今次就要白肺湯好了。湯頭夠熱亦清甜，杏汁味道適可而止，豬肺沒半點異味，還有大大件的花膠，骨膠原很豐盈。認識我的朋友大概都知道，本人對筍殼魚情有獨鍾，是夜吃到得，不是油浸，而係黑金醬汁煎焗魚球，啖啖肉更岩我。相當厚身的筍殼，香氣十足，外脆肉質保持嫩口，無得輸。千呼萬喚，主角的大閘蟹終於登場。是六両重的蟹公，身形自然有番咁上下。酒店更有專人幫忙拆蟹，岩晒我呢啲慵懶既人。蟹羔唔少，亦有白羔，蟹肉鮮甜，很是不錯，沒有浪費我今年的Quota。吃大閘蟹，當然是配薑茶或花雕，只是我掛住食，忘了影相。話梅花雕之後，也該來份菜蔬平衡下。板栗南瓜焗蘭州九年百合，這個季節的栗子肯定好食，南瓜亦相當甜美，結合爽脆的百合，感覺特別健康。單尾的帝皇蟹肉蒜香糯米飯，口感與味道俱佳，還有澎湃的蟹肉，更加滿足。以薑汁燉鮮奶及迷你紅豆砵仔糕作結，甜胃都得以慰藉。抱住個肚回家不特止，凡惠顧此套餐，每位更可獲贈帝港蟹皇溏心鮑魚乙罐，令整個蟹餐的體驗更加圓滿。餐廳資料:
帝京軒
旺角太子道西193號帝京酒店3樓
26226161
沒有留言:
張貼留言