麻吉灶咖 - 台灣味

有人要返屋企趕工，在商場快趣食個晚餐，見呢家台灣嘢似乎幾吸引。

費事傷腦筋，簡簡單單要個二人餐，已有齊小食、主食、鍋物、甜點以及飲品，足夠細食既我倆有餘。

因為主食及鍋物都選了辣的菜式，所以有杯凍杯會比較保險，萬一辣到噴火，到時遠水救不了近火。我既西柚檸檬茶夠晒大杯，爽~

小食揀一款，挑了經典的台式蛋餅，這東西必定要夠邪惡才好，大甲芋泥加芝士肉鬆，夠份量了吧！

軟殼蟹麻婆豆腐拌麵，做得幾好，麵條口感不俗，豆腐夠香夠惹味，辣度不弱的。更讚既係炸軟殼蟹，酥脆可口，有羔，算是近年吃過較有水準的出品。

佢哋既臭臭鍋，叫做麻吉肥牛臭臭鍋，連店家的名字也用上，相信會是好東西。由於朋友不吃牛，店家亦好有彈性地可轉成豚肉，抵讚！豚肉帶肥脂，更合我心。鍋內還有臭豆腐、鴨血、豬大腸、花枝丸、貢丸、娃娃菜及金菇等大量材料，好豐富，確有台灣的味道。因為摸不清店家的辣度標準，所以要了小辣，但我應該有能力挑戰中辣的。

甜點選了麻糬豆乳芒果雪糕，煙韌的麻糬，結合芒果、杏仁豆腐及雪糕，成件事感覺奶味幾重，合我口胃。

果然，我哋既食力，係完成不了。但因為食物太美味，唔想做大嘥鬼，便打包回家作宵夜。

餐廳資料:
麻吉灶咖
銅鑼灣軒尼詩道500號希慎廣場3樓302-305號舖
23639988