食物：$$$$
環境：$$$$
服務：$$$$
作為一個老饕，週末的最佳節目，不外乎吃吃喝喝。
能睡到自然醒，再跟朋友去舒適的地方，嘆個Weekend Brunch，這就不浪費青春。
個人又覺得，若然早午餐的食物，夠色彩繽紛的話，會更加開心圓滿，如Airside Cafe新推出的這個早午餐。
半自助形成，有九款主菜俾你揀，如你係細食既話，可單吃外邊自助餐桌的食物，其實都夠飽。想吃得豐富些嗎? 像我們一樣要埋甜品及free flow，那就肯定超級滿足。望望自助餐桌上的美食，煙韌三文魚、凍肉拼盤、什錦芝士、滇甜椒、青木瓜沙律及炸焗香料南瓜等，好有色彩，加埋湯品，與及各式麵包，感覺好開心的。追求健康的女士，單吃這些已經飽足。
是日四人行，大家柯打不同的主菜，分甘同味。全日早餐大概是Weekend Brunch最經典的食物。今時今日，請不要仍執著於內容有否焗豆，甚至黑布丁吧！雞蛋炒得嫩滑，煙肉脆卜卜，大磨菇很香，仲有健康的牛油果等等，大堆頭砌埋，就是全日早餐的精髓所在。千歲豬肉質鬆化，帶有脂香，配上甘薯茸，以及長柄西蘭花，簡單味美。朋友選的真鱈魚，肉質細致，絲絲分明，師傅在汁醬調配上仍花了功夫，香橙醬油及茴香醬，與魚肉好匹配，配角的柚子焦糖洋蔥，更能帶出驚喜。
我就唔想食得太heavy，揀來了龍蝦包。包身唔怕死實實，結合牛油果及三文魚籽，微微的辣醬汁，成件事好清新醒胃。旁邊的黑松露薯條，停不了口。大大碟的甜品拼盤奉上，賣相清爽有活力，又是另一個開心位。首次見到如此形狀的馬卡龍，好得意，配我手中的咖啡最為合適。雲尼拿雪糕好重奶香，仲有蛋糕及菠蘿蛋白餅，甜胃也得以慰藉。連餐後的咖啡都有可愛拉花，咁樣既週末早午餐，絕對舒心。餐廳資料:
Airside Cafe
九龍城啟德協調道2號AIRSIDE 3樓L322-L323號舖
21171912
沒有留言:
張貼留言