食物：$$$$
環境：$$$$
服務：$$$$
七月份，飯聚比較多，這裡是其中之一。
曾到訪過灣仔及鰂魚涌的Frites，中環店倒是第一次，估佢唔到咁旺場，平日晚上仍插針不入，可算是奇葩。
再講，呢度簡直是慶祝生日既專門店，店員非常落力又盡情地唱生日歌跳舞，就是夜來看，幾乎每枱都是在慶生。
說回食物，今次一行七人，都吃了不少東西。先以凍肉拼盤打頭陣，風乾火腿、莎樂美腸及肝醬，配搭多士，咸咸香香，是很好下酒的小吃。牛肉他他幾厚身，有隻生雞蛋係面，自行將蛋黃撈勻即可，建議配多士吃。偏濕的質感，味道帶點點酸，幾醒胃的。帶子火侯拿捏得精準，入口細嫩不過韌，一粒唔多夠喉。來這裡，一定要食青口。有幾款汁醬可選配，每次都吃招牌的忌廉汁，今次就試試新口味，來個喇沙汁醬，都幾特別，同埋喇沙這惹味的汁醬，跟海鮮自然夾。再來有海鮮意粉，忌廉汁醬的意粉肯定穩陣，喜歡意粉保持咬口，各式海鮮如帶子、青口及大蝦等都有夠新鮮。
然而作為食肉獸，還是要有份牛扒比較滿足，肉眼扒要Medium Rare的生熟程度，做得幾香口，入口唔會韌，旁邊既薯條絕對不是配角，大家吃得一條不剩。霹靂霹靂雞，有幸分到雞髀位，皮香而肉嫩，霹靂汁醬惹味，但唔係好辣，墊底的米型粉吸收晒雞既精華，不能錯過。
吃得八八九九，到了甜品環節，一班店員拿著火焰雪山唱著生日歌走過來，多謝大家俾我既驚喜(嚇?!)。食埋甜度十足既火焰雪山，同埋蘋果批，捧著肚子離開。
沒有留言:
張貼留言