Bluhouse - 輕輕鬆鬆

食物：$$$$
環境：$$$$
服務：$$$$

又有朋友要離港，餞別飯問佢想食中定西還是日韓泰菜，答案竟然是西餐，真係估佢唔到。

收到！即刻俾左三個選擇佢，當然唔岩既話可以再揀過。

終於主角挑了Bluhouse，這也是我非常喜歡的餐廳。

環境氛圍依舊休閒舒適，枱與枱之間都好闊落，唔會嘈喧巴閉，唯獨是燈光好像跟上次有點不一樣?!

點好餐，店員奉來的麵包籃，依然是外皮硬硬的酸種包，個人對這款麵包從來沒太大好感，不過沾上油醋，吃一件半件作熱身未嚐不可。

每次來這裡，必定要點Rigatoni Carbonara。一來我是卡邦尼殺手，二來是這兒的招牌菜色，不可走漏。用上長通粉，質感煙韌有咬口，沾上蛋黃汁與及芝士，加埋香口既Guanciale，一如以往的高水準。

呢度既薄餅，屬羅馬式的方型薄餅，份量剛好二人分享。主角挑了Guanciale Pizza，豬面頰既煙肉結合芝士，加埋鬆脆輕盈的餅底，也不錯。

兩人胃口均不大，兩款咸食之後，可以出餅櫃揀心水甜點。Delizia Al Limone，質感輕怡，微酸的味道幾清新，在吃了兩款重口味的咸食後來一口，無揀錯！

店員忽然送來Tiramisu，說是補償飲品遲送來的缺失，那我們就卻之不恭。細滑又濕潤的出品，幾岩我口味。

一口甜點，一啖冰凍的意大利咖啡，滿足！

最重要是主角滿意。

下次再見，會在何方?

餐廳資料:
BluHouse
尖沙咀梳士巴利道18號香港瑰麗酒店地舖
38918732