食物：$$$1/2
環境：$$$1/2
服務：$$$$
得閒飲茶呢個說話，往往是講一年半載，都未必成事。
這天，終於跟大家約定了，去久違了的尖沙咀金域假日酒店中菜廳龍苑飲餐茶。
見佢有三款午市套餐 (其中一款係兩位用)，我哋一行四人，索性要齊佢，大家分甘同味。
其中兩款套餐，是跟傳統的功夫茶體驗，都幾特別。大家分別嚐了鴨屎香，與及龍井，前者香氣比較突出，龍井則較為甘醇清香，兩者各有特色。再說食物，兩位用的冬瓜套餐，有蝦餃、燒賣及野菌素春卷三樣點心，試了燒賣和春卷，前者飽滿，春卷香脆，跟上酸甜的汁醬又幾特別幾醒胃。至於功夫茶套餐的點心，分別有黑松露燒賣、紅菜頭蝦餃、蟲草花鮮竹卷，以及香煎菜肉鍋貼、鮑魚雞粒酥，同埋碧綠蝦餃，似乎比冬瓜套餐的來得新派。點心總體不俗，而且個子巨大，吃罷點心拼盤已飽了一大截。回到我主攻的冬瓜套餐，迷你冬瓜盅佈有蟹肉、帶子、夜香花等等，炎炎夏日喝一碗，有助消暑。菠蘿咕嚕蝦球，味道正是兒時嚐到的味道，跟現在酒店酒家吃到的甜酸味就是不一樣。不懂怎樣形容，有番咁上下年紀的朋友大概會明白我既意思。幾款套餐都有跟菜蔬，蒜蓉炒時蔬、拍薑菜心及金銀蛋時蔬，三款之中以重口味的蒜蓉炒白菜仔最岩我口味。原本我既冬瓜套餐的米飯環節，是勝瓜肉鬆泡飯，不過始終是「隔離飯香」，我就更喜歡鴨屎香套餐的窩蛋牛肉飯了。再嚐了叉燒及燒腩仔，麻甩的我真心愛吃港式燒味。甜品環節，三個套餐的甜點分別為楊枝甘露、開心果撻及紅棗拉糕，有傳統有創新，喜歡那款，悉隨尊便。
我近期都終於去咗飲茶，而且都幾好味添。
回覆刪除