Chase Sapphire Lounge - 另一個可取的機場貴賓室

食物：$$$1/2
環境：$$$1/2
服務：$$$$

論香港機場貴賓室，我既心水係Krya Lounge，一來最新，裝潢時尚又舒服，二來服務到位，難怪開業無耐就贏到Asia Pacific Lounge of the Year。

今次早機，沒刻意走去Krya，只到訪了最近登機閘的Chase Sapphire Lounge，我也是首次來這個Lounge。

Chase Sapphire開早上六點，筆者七點左右來到，已坐左一半，是比Krya，甚至國泰乜乜堂更有壓迫感 (當然佢無Plaza Premium咁恐怖)。

兜個圈睇睇有咩食，傳統既西式嘢，如Cold Cut、芝士、沙律等基本嘢有齊俾你。

健康人士愛吃的粟米片都在陣，甚至Nuts及乾果等都可以係度搵到，算係咁了。

人愈大，愈中式胃，拿了些燒賣、腸粉及炒麵回去品嚐，可惜，全是凍的，最棹忌。

呢度比Kyra好既地方，係除左自助餐桌的食物外，還有幾款可以點。在座位上以 QR Code落單就可以。

畢竟早上胃口不太好，要份蒸蘿蔔糕就是。蘿蔔成份其實唔係好多，勝在夠熱，同埋個XO醬幾惹味。

飲品方面，咖啡茶或果汁悉隨尊便，如果你是酒鬼的話，當然可以飲埋Cocktail。

晨早流流就不沾酒精喇，飲杯咖啡醒醒神。

餐廳資料:
Chase Sapphire Lounge
香港赤鱲角國際機場, 第1 航站樓. 空側- 國際離境大堂西大堂，7 樓，離境層，靠近40 號閘口