麵屋福 - 一止沾麵癮

食物：$$$$
環境：$$$1/2
服務：$$$$

拉麵/沾麵癮起，最近我家的麵店，就是麵屋福。

坐言起行，穿上風褸，往麵店方向走去。

小店仍是老樣子，餐牌也十分簡單，獨沽一味吃沾麵，只揀沾湯即可。

在魚介、番茄以及黑蒜之間掙扎左一陣 (其實佢仲有辛味，不過我對辣味無乜興趣)，還是決定要最基本的魚介豚骨沾麵。

麵條與濃厚的沾湯分開上，賣相仍很對辦。湯內有原隻溏心蛋、筍、蔥、叉燒及魚介粉等。雞蛋做到流心效果，橙黃色的蛋汁好吸引，味道亦有夠濃郁。叉燒唔會嚡口，味筍沒有渣，各樣材料都恰如其分。

粗身的麵條更能掛湯，平時若吃拉麵，我會喜歡幼身麵條，但吃沾麵又唔同講法。三兩下手勢，便將整碗麵條清掉，差點兒想要替玉。

午餐會送飲品，吃拉麵/沾麵有罐可樂相伴，寧舍爽皮！

$78連飲品，無加一，在日本或者有大把選擇，但係香港也算是街坊價了。

餐廳資料:
麵屋福
荃灣享成街18號地舖
35903018