海外篇：皇家葡萄肴 - 澳門自助餐初體驗

食物：$$$1/2
環境：$$$$
服務：$$$1/2

人人都話澳門既自助餐好正好抵食，筆者卻從沒有試過 (酒店早餐除外)，說起來也覺得有點慚愧。

一係唔食，一試就食啲特別啲既。今次就嚐了在澳門旅遊塔地下的皇家葡萄肴。

顧名思義，這裡的自助餐，是以葡式菜餚為主題，當中唔少係我咃係香港見都未見過。

都係果句，我唔會每樣食物都講，只介紹下比較有特色，同埋我覺得仁人值得推介的項目而已。

沙律Cold Cut這些是基本，而最令我留下印象的，係紅菜頭沙律，鮮甜到一個點，我Encore了兩次。

熱食既青口，肉質飽滿，口感扎實，唔會縮到細細粒咁。

辣汁燒雞，剛剛出爐，皮仍是脆，口感未算很嫩滑，幸而仍有Piri Piri 既辣汁風味。

其他的葡國特色美食如鴨肉飯、海鮮燴飯、薄荷紅酒汁燴羊肉等都很正宗，仲有我最欣賞的是香蒜欖油焗浸馬介休，魚好吃，配角的薯仔也不可錯過。

甜品方面，有兩款關於雞蛋既款式，係我完全沒在香港任何地方見識過。先是蛋白為主角的吉士肉桂焗蛋白，再者就係肉桂糖漿煮蛋黃，將雞蛋完全用盡。

肉桂糖漿煮蛋黃的甜度頗高，有些朋友會頂唔順，而我就自得其樂。

再吃件傳統葡撻，些少啫喱，朱古力布朗尼，以及水果等，今餐甜胃比咸胃更滿足。

餐後呷口白咖啡，非常圓滿！

餐廳資料:
皇家葡萄肴
澳門觀光塔前地G Floor
 +853 2896 2878