Rias Coffee - 進入咖啡世界

食物：$$$$
環境：$$$1/2
服務：$$$$

如果話深水埗咖啡店氾濫，西貢或許也不遑多讓，短短的一條市場街，已開設了數之不盡的咖啡室，各有特色，迎合不同客路。

Rias Coffee，主打手沖咖啡，舖面細細，卻雲集世界各地的咖啡豆，亦有掛耳咖啡。坐在店內，好像進入了另一個世界。

即使你有選擇困難症也不用擔心，店員會詳盡地介紹各款咖啡豆，想要堅果定水果香、花香抑或酒桶氣息，甚至聖誕檔期大熱的肉桂味，全都可以係度找到。

選好心儀口味，店員在席前邊沖製咖啡邊作解說，已是一種享受 (也是學習過程)。幾位朋友分別揀左唔同風味的咖啡豆，大家齊齊分享，感受下各種口味的特性。

我的是巴拿馬咖啡豆，店員說是偏Nutty，但都有點點果酸味。一款咖啡豆，店員會放兩隻杯，原來用濶口杯享用，同埋用高身杯品嚐，香氣和味道都會有所分別。

試了朋友的款式，花香味屬較清香，但層次就比較單一；肉桂味的那款，其香氣十分突出，完全係節日佳品。至於全日我最喜歡的，係巴西豆 (咁我一向都是巴西豆的擁躉)，畢竟就是最Nutty，最濃郁，又沒半點酸味。

飲咖啡，其實也是一門藝術。若能同幾位愛好咖啡的朋友一齊分享、交流，成件事就更加開心。

餐廳資料:
Rias Coffee
西貢市場街34號地舖