Salisterra - 舒心下午茶

食物：$$$1/2
環境：$$$$
服務：$$$$

好似好耐無嘆過三層架下午茶，就趁無所事事的日子，同朋友來扮一日上等人。

The Upper House 49樓的Salisterra，環境十分舒適，景觀係世界級，上次澳洲朋友回港渡假，我也是帶她來吃下午茶。

餐廳今期既下午茶，係同倫敦Cafe Hotel Royal合作，好有興趣試試。

下午茶都有Amuse Bouche，一粒的芝士泡芙，面頭刨了唔少松露絲，香氣四溢。

由底下的三文治開始，四款不同顏色及口味，分別為三文魚青瓜、松露醉蛋、加冕雞和牛肉三文治，坦白說，幾款的麵包都有點乾，個人最喜歡加冕雞，帶點點咖喱的味道頗為討好。

嚐一小杯紅嗓子接骨木花雪葩，清一清味蕾，可以吃各式蛋糕了。

四款蛋糕的個子都比坊間下午茶的要大一點。中間那層係的兩款蛋糕，士多啤梨雲尼拿忌廉，與及朱古力閃電泡芙，一剛一柔，兩款都有水準。朋友愛吃濃郁的泡芙，而我對清新的蛋糕更有好感，真的是各有所愛。

頂層的兩件都屬比較清新的款式，我覺得幾適合。畢竟呢個下午茶的蛋糕都係相對較巨型，如果都是重口味的話，恐怕就會太膩。

別忘記，英式下午茶必會跟上Scones的，呢度當然唔例外。微脆又軟熟的出品，塗上Clotted Cream及果占就是好吃，佢有款橘子味的Jam，我更欣賞。

咖啡或茶，要冷定要熱，悉隨尊便。

更要讚呢度既服務，到位，但不拘謹~

餐廳資料:
Salisterra
金鐘金鐘道88號太古廣場奕居49樓
39681106