食物：$$$1/2
環境：$$$$
服務：$$$$
總有一些餐種，是自己喜歡吃，卻又不常吃的。今天就與朋友去食久違了的串燒。
串燒店位於赫德道，是比較難搵，我係附近兜左個大圈才找到。若然大家前來，看見狗毛吧，就差不多了。
難得兩件男人老狗食嘢吹水，喝一點是可以的，經理推介的這款出羽燦，是較為甘口，對於我呢啲清酒門外漢而言，是容易接受的一款。先來幾味小食作為熱身，水茄子就咁生吃就可以，但因為味道偏淡口，師傅刨了些芝士係面，成件事就唔同晒。蘿蔔形狀好靚仔，切成薄片，驟眼看似松露片，由於是經煙燻過，入口爽脆之餘，亦帶點點燻香，有趣。
欖檻油漬廣島蠔，是滿足香港人吃蠔的心態吧~不諱言，我是首次在香港吃到雞刺身。師傅用上了鹿兒島的薩摩雞，雞皮輕輕火灸過，入口帶點煙韌，與我在九州時吃的感覺又有少少唔一樣。跟住要入正題，是一系列的串燒。由西班牙的五花豚肉打頭陣，層次分明，爽口甘香，完全不韌，是個好開始。燒鳥店的主角始終是雞肉，所以我哋都食左唔少，當中仲有啲勾鑽部位。手羽一夜干，這個做法，雞皮寧舍香脆，吃時要小心燙口。雞腿肉則來得爽口。勾鑽部位之一，雞掌肉，燒得香口，帶點脆口感覺，幾討好。雞尾記緊趁熱食，咬落油份多，唔怕有異味，處理得幾好。坊間吃免治雞棒的地方唔少，但呢度就做多一層，煙韌、盒上！當經理打開盒蓋，輕煙緩緩升起，香氣四溢，視覺與嗅覺率先得到享受，當然也成為了必然的打卡位。吃了好幾款雞串，都夠皮，但有我喜歡的白鱔，又每人來番串。皮香，口感彈牙，都好。來串燒冬菇，平衡一下心理，叫做有菜蔬類食左。估唔到結尾的雪糕和雪葩大有驚喜。山椒柚子雪葩，先吃到柚子的清新感，慢慢滲出椒的餘韻，好有層次，山椒的味道亦沒有太霸道，推介！焙茶咖啡雪糕，同樣地兩者是互相輝映，有幾分似港式鴛鴦嗰種精髓，不比雪葩遜色。
偶爾來餐串燒，啖啖肉，爽！
雞刺身我仲未敢試😅
回覆刪除都真的唔係人人可接受
刪除