食物：$$$$
環境：$$$$
服務：$$$$
七月份，飯匿的確比以往頻繁，多謝各位朋友的厚愛。
是另一餐生日飯，友人俾左三個地方我揀，我其實真的無乜所謂，能夠一齊吃頓飯已十分開心，所以就點指兵兵，最終點了這家Quiero Mas。
上到餐廳才發現，原來呢度係昔日我最愛的西班牙餐館 Fofo by el Willy的舊址，環境同樣十分舒適。Weekend Brunch可以選四款Tapas，其中之一，係Cold Cuts加芝士及番茄包。兩片芝士，有齊辣同唔辣既沙樂美腸，風乾火腿，同埋一小件的番茄包，應該不是Tapas份量吧！食物水準都唔差，尤其是番茄包，得到友人的大力讚賞。帶子刺身都有四片，底下有點牛油果蓉，幾清新。
蒜茸蝦彈牙惹味，好在是每人兩隻，否則食完Tapas應該已經飽左。但我不會浪費個汁醬，用蒜茸包沾來吃，一滴也吃清光。
最後一味小食係Broken Eggs，兩人些牙一碟，但份量其實亦唔細。破開蛋黃，任由蛋汁放肆地滲進磨菇及辣肉腸之內，自然吸引。旁邊的薯條都十分可口，教我倆一條駁一條的不停地吃。各自選取喜歡的主食，再分甘同味，一向是我的作風。西班牙豬外皮超級脆口，肉質嫩滑，深得我心。再講，配角的南瓜蓉、青椒及薯仔都不會遜色。鈕扣形狀的意大利雲吞，沾上了汁醬，大家笑言有幾分像蛋黃哥。喜歡意大利雲吞的煙韌口感，調味都好，唔會死咸，又帶出松露香，是香脆的西班牙豬平分秋色。
來到西班牙餐廳食甜品，鬼佬油炸鬼Churros 必定是首選。另外多謝友人的細心安排，寫上了生日快樂字句的巴斯克芝士蛋糕都好味道。
天時暑熱，大大啖呷幾口Colada，爽！
見到標題，有一刻以為你參加咗電台搞嘅飾目呢，嘻嘻！
回覆刪除哈哈哈 😂
刪除