食物：$$$1/2
環境：$$$$
服務：$$$$
南豐紗廠有個地方，一邊是賣時裝，另一邊係餐廳。
猶記得當年曾經帶過英國朋友來用餐，那時這裡是Cafe，水準都唔弱，尤其是甜品，得到一致讚賞。
近排發現，這Cafe已稍稍地轉型成為冰室。
為什麼我會說是稍稍地呢?
皆因佢仍保留著Cafe的裝潢，只是食物由Pasta、Risotto變成星洲炒米、滑蛋叉燒飯等。不過，依然有意式咖啡供應。
午餐有跟餐湯或者沙律，仲係好Cafe既格式。是日餐湯係忌廉粟米湯，味道正常既，都幾多粟米粒。沙律與往日Cafe的出品無異，根本就是同一班師傅來的。
星洲炒米份量唔細，火腿絲、蝦、蛋絲、芽菜等幾足料，蝦肉都爽口，不過相信始終唔係茶記冰室的爐具，所以鑊氣稍遜。
筆者之選擇乃鰻魚飯，又忘記了叫小飯，結果肯定食唔晒。幾十蚊連餐湯/沙律呢個收費，自然不會期望鰻魚是日本貨，因此口感未算彈牙，但帶甜的蒲燒汁實在好下飯，我都清了大半。
既然有意式咖啡供應，那就即管來杯拿鐵。咖啡杯靚，拉花亦漂亮，仲要久久沒有走樣，保持到昔日Cafe的沖炮水準。呢杯咖啡要另外加$25，但我覺得俾得過。
都係果句，始終佢唔係真正冰室，奶茶絕對不是茶記的高質。
告訴你一個小秘密，我第一次試星洲炒米已經係15、6歲嘅事，唔知點解之前從未食過😅
回覆刪除因為有D辣 XDD
刪除