GF Bistro - 港式西餐

食物：$$$1/2
環境：$$$1/2
服務：$$$1/2 

無論市道好與壞，總是有餐廳排住隊執笠，又有新力軍不斷加入，香港地就係個咁奇怪的地方。

今篇介紹既呢間新餐廳GF Bistro，上手是Cafe，都玩左三幾年既。

相信都是小本經營，餐廳沒有作什麼翻新，我當然無乜所謂，畢竟我食飯唔係為左打卡，而係更重視食物質素的人。

午餐大多一舊水內有交易，加十幾蚊仲可以配小食，如這份手指魚薯條。

當然是現成貨，但至少新鮮炸起，熱得燙口，如薯條可以再炸脆口一點便更好。

相信大家也能猜到我會吃什麼意粉吧！是的，又是Carbonara。薄薄的煙肉，仲有洋蔥和磨菇片，及大量的忌廉，典型港式做法，唔難食，但不用專程來吃的出品。如果你是追求正宗出品的死硬派，那就更加不用前來。

反而蜆肉炒意粉有蠻多的蜆肉及雞髀菇，幾足料，又大碟，要挑剔的話就是未夠香口，但幾十蚊貨仔，真係不能要求太高。

第一次來，對呢度既咖啡唔太有信心，既然即磨咖啡唔使加錢，就小試牛刀，結果倒是可以。

有機會再試試佢既拿鐵吧~

餐廳資料:
GF Bistro
荃灣荃新天地一期UG53號舖