過日辰 - 轉角小店

食物：$$$1/2
環境：$$$1/2
服務：$$$1/2 

荃灣一條車房林立的後街，轉角位有間咖啡小店，叫過日辰。

由於欠缺打卡位，所以一直不是青年人的蒲點。

也由於地方太小，而且門窗常開，寒天時來絕不會是享受，即使佢杯咖啡好飲到識飛天。何況唔係~

當天氣和暖，又想飲杯咖啡既時候，這才會是其中之一的Option。

食物選擇並不多，都是數款酸種多士，同埋意粉，還幸水準總算合格，如是日嚐的煙鴨胸炒蛋酸種多士，至少沒有很韌，面頭的炒蛋嫩滑，鴨胸未至死實實，配些火箭菜等菜蔬，跟餐送埋杯美式咖啡，只是幾十蚊落樓，吃得過。

意粉唔使問阿貴，就算有幾多款式，我一定是揀Carbonara。蛋黃汁之餘，這還是有放忌廉的版本，先勿論佢是否正宗，起碼夠滑，意粉有咬口，結合香口之煙肉，個人覺得唔差的。

不論是跟餐的美式咖啡，抑或是加錢轉的Flat White，味道都是偏酸，大家都知道筆者是喜歡較Nutty的口味吧~

咖啡較Fruity或Nutty純屬個人口味，但我覺得店主都係有心去做的，唔係求其搵個地方過日辰。

餐廳資料:
過日辰
荃灣享和街16號地下D號舖