海外篇：Maruya - 名古屋名物

食物：$$$$
環境：$$$$
服務：$$$$ 

如果我話去名古屋，不過無食鰻魚飯，相信大家都會講粗口罵我一餐。

事實上，到埗的第一夜，我已急不及待去搵地方吃此品。

幾間名店之中，我選擇來了Maruya，純粹因為最近我下榻的酒店而已。

Maruya一向是人氣店，商場整層就只有味噌豬扒矢場，以及這裡是需要排隊。還幸我習慣早食晚餐，六點左右來到，等十來分鐘即可入座。

我知道，理應要叫鰻魚飯三吃的，不過剛落機胃口麻麻，無謂浪費，就只來份細的鰻魚飯好了。

有一個鰻魚飯，一碗湯，同埋漬物俾大家開開胃口，份量於筆者而言是剛好的。

湯不是味噌湯，而係大蜆清湯，清鮮的，溫度足，喝得很舒服。

看這蒲燒鰻魚，色澤不是十分艷麗，但就是烤得香酥可口。濃厚的汁醬有別於坊間死甜的蒲燒汁，下飯一流，就連胃口麻麻的我都可以輕易清掉整碗米飯，可見係有番咁上下料子的。

咸胃其實夠晒皮，找個地方吃點甜又如何?

餐廳資料:
Maruya
名古屋市中村区名駅一丁目１番４号