CP Cafe - 遠離繁囂

食物：$$$1/2
環境：$$$$
服務：$$$$ 

是日，跑了入元朗的咖啡室吃午餐。

驅使筆者來到盈滙坊，大概是開電視曾有節目在此地取景，加上地點於我而言不算太遙遠，一個站西鐵而已。

這裡有三幾間食肆，不過我既目標很清晰，就是這家CP Cafe。

咖啡室有貓店長，然而佢非常活躍，無辦法捕捉佢既正面，算了吧，勉強無幸福。

除左貓貓，Cafe的另一焦點，正是環繞在牆上的植物鹿角蕨，輕易吸引大家眼球，打造成輕鬆自在的小天地。

始終是地點問題，午餐收費不會很進取，大都幾十蚊有交易，仲要已包埋嘢飲，除非你吃黑毛安格斯扒。

鰻魚蛋飯賣相正正常常，鰻魚中規中矩，雞蛋可以再嫩滑些，不過六十八個大洋連飲品，已交到功課。

每天都有一款推介，問過店員，是日為葡國雞飯，也就點了。葡汁幾好送飯的，雞球亦不嚡口，呢款仲平，只是五十八包嘢飲，無投訴。

跟餐包的飲品是檸茶檸水青檸梳打等，所以加左錢轉Flat White，都只係加十蚊雞啫。甚至可以揀選較 Fruity 或Nutty的咖啡豆。

一杯Nutty的小白，擁漂亮拉花，可以了。

家陣即使是深水埗的Cafe，一碟飯/ 意粉閒閒地都百幾蚊，飲埋咖啡隨時兩舊水落樓，呢度可算是難得的世外桃園。

餐廳資料:
CP Cafe
元朗錦田吉慶圍236號盈匯坊地下G02號舖
67382487