BnR - 發現波波雞飯之蹤影

食物：$$$1/2
環境：$$$$
環境：$$$$ 

最近發掘左一間餐廳，係荃灣廣場對面，叫BnR。

單看店名及裝修，難以猜到是一家什麼類型的餐廳，我起初甚至以為佢係間港式西餐。

瞄一瞄門口既餐牌，疑團解開了，簡單說就只有雞、魷魚及韭菜餃三款主食材，配油飯、泡飯、河粉、米線及淮山麵等組合。

懶到出汁既筆者，會動手為呢間店寫篇文章，主要是因為我在這裡發現了本地難以找到，富馬六甲風情的波波雞飯。

海南雞切得好大件，同係馬六甲食到的有所不同，還幸雞肉總算嫩滑，同埋我幾欣賞佢既汁醬，黑漆漆的汁醬甜中帶點辣，還有少許像薑蓉的氣息，我會形容係三色醬的混合體。至於做成波波飯粒的油飯，正常發揮吧！

無飯癮既朋友，可以揀食河粉、米線或淮山麵，其中的淮山麵是近年頗為歡迎的新貴。

仲有一款雞，係手撕雞濶麵，可選配麻辣醬或者芝麻醬，試過了後者，幾清新，濶麵掛汁能力強，結合埋嫩滑的手撕雞，與及小量的海蜇，都是不錯的選擇。

午餐有跟熱飲，奶茶大概是三合一的水準，與自己係屋企沖無異。

餐廳資料:
BnR
荃灣大壩街65號地舖
54807843