食物：$$$$
環境：$$$$
服務：$$$$
你有你既生活，我有我最頹廢，要約齊大家聚首一堂，絕不容易。所以難得有大部份人可以出席，便提前吃團年飯。
再次來到吊腳的南華軒，都是為了回味一些功夫菜式，感謝朋友預先與店方夾好菜單。
先來的銀絲釀蟹蓋，吃時要小心燙口。外層鬆脆，內裡超級足料的炸蟹蓋，每一口都是滿足，吃一隻都已幾飽肚。古法扣龍躉翅，是我蠻期待的菜式，大大份端上來很有過節的感覺。龍躉肉固然厚實，魚皮入口軟中帶爽，膠質豐富，連皮帶肉十分好吃，配角之肉絲及腐皮及菜膽，都輕易被大家清掉。
是夜的湯品，乃杏汁白肺湯，相信大家都知道是很花功夫處理的出品，至少自己唔會係屋企煲。非常濃郁的杏汁味，加上熱度十足的湯頭，與及軟腴而沒異味的豬肺，喝得十分舒服，我難得到清至一滴不剩。
再來的琥珀合桃彩椒炒玉帶，彩椒西芹鮮百合及琥珀合桃炒埋一碟，看似平凡，但其實色水都幾靚，主角之帶子既大粒，火侯拿捏又是恰到好處，很嫩口鮮甜。全晚的焦點，我會說是這味金華玉樹雞，將雞起骨，再與冬菇及金華火腿砌得恭恭整整，完全是心機之作。雞肉相當之嫩滑，三者的組合亦從來匹配，要讚師傅連雞翼尖都走埋骨，佩服。同埋採用新鮮雞，連副雞什都跟埋上，無得輸。咕嚕肉亦非等閒之輩，除左甜酸汁醬平衡得、咬落爽脆之外，師傅是將豬肉切片捲起再炸，因此口感是比坊間的出品更為優勝，結合新鮮菠蘿，我吃不停口。單尾的砂窩干炒福建飯，都來得香口，米飯粒粒分明，又保留飯焦，再飽都要吞下全碗。團年嘛，甜品當然是以芝麻湯圓作結啦！很久沒嚐過如此滿足的中菜了~
人多食中餐最高興！
回覆刪除正是
刪除