Ado 洋食屋 - 蠻不錯的蛋包飯

食物：$$$1/2
環境：$$$1/2
服務：$$$1/2

無意中發現荃灣有間新開的洋食屋，似乎幾吸引，只是當時趕著赴會，未有內進，但我已把這地方牢牢記住。

回家上網睇睇，原來是大圍那家頗有名的洋食屋搬了過來，那就令我更想快點去試。

昭和風的裝潢，不過未算去到好極致，如果論本地這類的洋食屋，我最欣賞九龍城Shibui的格局。

主食加廿五個大洋可以轉餐，有餐湯、小食及基本飲品，即管要餐吧！

菜湯幾足料，同埋最重要係夠熱，尤其在氣溫急降的日子。小食只是一小碟的涼拌蘿蔔絲蓮藕片等，過下口癮。

咖喱日式吉列豬扒飯，賣相可以既，吉豬亦做得鬆化，只是味道略為淡口，要靠微甜的日式咖喱汁去調味。

我就揀蛋包飯，真心做得幾好，形狀好靚，質素夠嫩滑，用刀輕輕切開，雞蛋便兩邊散開，覆蓋米飯，在本地而言算是難得。嫩滑的雞蛋配上軟熟圓潤之米飯，沾上牛肉汁醬，是好吃的，不過香港人總是貪心，如果有點牛肉粒混在裡頭，會更滿足。

餐茶竟有Malasa Tea，有興趣！

洋溢著印象香料的氣息，又不過霸道，估唔到佢杯茶咁有驚喜。

餐廳資料:
Ado洋食屋
荃灣享成街8號香城大廈地下5A號舖