食物：$$$
環境：$$$1/2
服務：$$$$
一向不太懂得欣賞韓式的Fine
Dining，即便是首爾的二星店Jungsik，我都只覺得好食，但未算十分吸引到我。
來到香港極少數的韓式Fine
Dining餐廳OOULI，會否改變我多年來的睇法?
論環境，呢度算合格的，除了有個海景，感覺也真有幾分Jungsik的影子，當然後者是比佢精緻啲。
午餐的頭盤是粥，感覺真的非常韓國，都是菜蔬、菇類及蜆肉等材料，最重要是加加滴麻油，係靈魂所在。粥底很杰身，確保吃得飽肚，蜆肉都算鮮，反而旁邊的那塊脆片，來得有點韌。
主食方面，朋友想食韓牛，那我就不如要份五花肉，到時大家分享。可能是慢煮的做法，五花肉沒有很硬，肉香可以，沾上韓式的燒烤醬，唔差既，建議以芝麻葉包裹著來吃，感覺無咁油膩。
韓牛是1++的級數，即最高級別，要另外加$180，自然有些期望，但賣相未見驚喜。筆者試了一件，肉味是有的，肉質卻有欠鬆化，以呢個價錢而言，是有少許令人失望。
最後一道是米飯，講真頭盤是粥結尾是飯，確有點打亂我對Fine
Dining的期許。Any肥，米飯所配既餸，有魚肚、咸魚仔乾、黑豆、海帶等，有如吃韓餐會先奉來的小碟。當中最好吃的要數到魚肚，帶點辣勁幾開胃，送飯唔錯。
吃罷大半碗米飯，飲埋個鰻魚湯，是飽的，卻並不滿足。
不論選三道菜或是四道菜的午餐，都是沒有甜品，但會跟上一杯咖啡及韓式油蜜果，後者煙韌，但若要視它為甜點的代替品，就不是太理想。
一杯黑啡之後，我哋決定下場~
傳統韓食我本身就麻麻，不過最搞鬼都係米飯同粥水，咩fine dining 玩法呀😅
回覆刪除完全估佢唔到
刪除