睡飽吃吃 - 蛋糕要多吃

食物：$$$$
環境：$$$1/2
服務：$$$$ 

午餐食得飽飽，眾人由中環漫步至西營盤，再吃甜品飲咖啡。

這家睡飽吃吃，是食友Min姐的強烈推介，搞到我心郁郁想試左好耐。

作為一間人氣Cafe，要等十來廿分鐘入座在所難免，我早已有心理準備。

以大家當時既食力，每人要應付一件蛋糕是不可能的事，來三件五條友分，還是可以。

第一件說的是鹽之花焦糖卷蛋，卷蛋既質感不俗，中芯好似好大舊 Cream咁，但吃起來唔會感覺好膩，頂頭的焦糖漿唔會甜得令人糖尿病發，不錯吃。

另一件是北海道原味忌廉芝士巴斯克，芝士蛋糕既質感比我預期中更細滑，蛋糕面既微微焦香，結合軟滑的忌廉，合我心。旁邊像在點綴配襯的忌廉，原來是豆腐味，跟主角異常匹配，乃神來之筆。

榴槤控的朋友看見有斑斕榴槤貓山王Cream Cake，頓時雙眼發光，無可能唔來一件。份量比我想像的大，用上新鮮的榴槤肉，好甘香，卻也沒有掩蓋斑斕的氣息。呢個蛋糕，愛吃榴槤的朋友一定不可錯過，那怕吃後呵氣如蘭。

天氣太熱，放棄了飲咖啡，點來的凍熱情果紅茶都幾有誠意。當然，呢度都有唔少咖啡選擇，冷泡的西西里咖啡據說都是不錯的選擇。

蛋糕的確唔錯，下次要試埋Min姐力推的開心果和抹茶Cheese Cake，相信都唔會令人失望。

餐廳資料:
睡飽吃吃
西環皇后大道西368號地舖