Fabrice 嚐味: Salisterra - 天南地北兩小時

2023年9月25日星期一

Salisterra - 天南地北兩小時

食物：$$$1/2
環境：$$$$
服務：$$$$

有朋自遠方來，必須要抽時間聚一聚，好好暢談一番。

可惜朋友來去匆匆，大家只能一齊食下午茶，都唔緊要喇。

地點當然又我揀，其實隨便一間五星級酒店都是好選擇，而第一時間想起的，竟然係比較冷門的Upper House 49樓既Salisterra。

選這裡的原因好簡單，環境舒適之餘，就係呢個景觀。的確，佢即時拿起手機不停影。

其實，朋友上次在澳洲帶我去的Bondi Iceberg，景觀更加引人入勝喇！我知，我唔應該咁樣去比較。

今期的下午茶，是與旅遊用品品牌Tumi聯乘，於我既角度，無論酒店同咩合作都好，亦唔會對下午茶內容有太大關係，純粹多一份禮品而已。Any肥，講番個Tea Set，頂層的那甜品杯，由白桃、雲尼拿奶凍及士多啤梨醬及果肉構成，賣相幾靚，層次分明，Tumi字樣的是白朱古力片，比起那些唔食得既紙，顯出誠意。吃時用匙一嘢由面𢳂到底，才是最佳食法。另一款的芒果椰絲撻，撻皮鬆脆，味道清新。

時代唔同左，家陣食下午茶，都無話由底食起，還是由上面食番落去。呢個三層架出品，甚至只有中間嗰層是咸食。最邊邊既撻，撻皮其實是軟身的班戟皮，估唔到與龍蝦肉及魚子醬又夾得到。番茄多士與三文魚青瓜卷，看上去似是同一系列，感覺其實也差不多，就是清新，尤其要讚番茄那件，沒有惱人既酸味。雞肉松露三文治，則相對平凡。