食物：$$$1/2
環境：$$$1/2
服務：$$$1/2
老友飯敍，照大家喜歡吃什麼，有人建議食蒸海鮮鍋。
記得十年八年前，潮福帶起了蒸海鮮鍋的潮流，唔少食店爭相仿傚，當年筆者在某飲食集團做管理時，亦開了一間。
時至今日，蒸海鮮鍋的熱潮早已退卻，而我，也大大話話六、七年沒嚐過這玩式。
瞄一瞄餐牌，單點貴頗多，還是揀套餐較為划算，另再來兩款小食頂下肚。
米網春卷新鮮炸起，鬆脆熱辣，炸魚蛋的口感亦令人滿意。
先來的是小蟶子，肉嫩味鮮的，可是個別一兩隻有沙。吃蒸的蟶子，我覺得小蟶子是比蟶子皇更為合適。
接著是幾款貝類，白珍珠蜆是清甜多汁，不過大家最喜歡的，就是太子蜆，肉質更有質感。
三點蟹我吃了半隻，肉是鮮甜的，不過這種蟹始終係唔夠香。
平平無奇的海蝦，卻帶出驚喜。畢竟是新鮮生猛，肉質爽甜之餘，就是蝦頭的羔我都忍唔住要吮兩口。
瀨尿蝦身型唔算巨大，勝在肉嫩爽甜，及後的蒸魚都唔錯，沒有投訴。
套餐也包了瓜瓜菜菜，不管是冬菇又好，翠肉瓜釀豬肉也好，或者金菇煙肉卷都好，這樣蒸法感覺寧舍健康。
對呢類地方既牛肉無乜期望，估唔到個安格斯牛質素都好交到功課，嫩滑有肉香，即使此時已飽到上心口，亦誓要將之清掉。
據聞呢度既蒸雞麵是絕不能錯過，所以就算已十二分飽，都要嚐一點。
雞肉還可以，至少是嫩滑，麵條卻無咩特別，只靠旁邊的麻辣醬油來伴，才較為合心，總之就沒有大家吹捧得咁精彩。
最後食埋個糯米飯，同埋碗粥，飽到幾乎獲利回吐。
最愛只有蒸皇帝蟹，沒有之一，嘻嘻！
回覆刪除好難同皇帝蟹比喎 XDDD
刪除