食物：$$$$
環境：$$$$
服務：$$$$
話說兩年前在帝京酒店嚐過愛玲宴，便留下正面印象，至今仍回味。
得知江師傅最近打造了新版本的愛玲宴，第一時間同食友們夾好時間，前去品嚐。
由於上期的愛玲宴內容十分豐富，所以我已留定肚，準備作戰到底。
頭盤三款，左手邊的冷切牛舌，用上牛舌既細嫩味濃的部份，以鹵水煲煮，入口自然爽嫩入味。右手邊則是胭脂鵝脯，黑鬃鵝的肉味濃郁，碟底的玉桂蘋果，味道突出，但唔會搶去主角既風彩。
中間色彩繽紛的波波，乃合肥丸子，即張氏受祖母影響，小時最愛的合肥點心。江師傅將七彩糯米包裹肉圓再清蒸，以蟲草花墊底，感覺更健康。呢粒合肥丸子，軟熟不硬，有層次感，唔係得個樣的。
接著來的金鎖記，師傅以毛蟹來代表曹七巧橫行無忌之性格，將毛蟹拆肉入饌，再以賽螃蟹的煮法處理，幾特別。
之後是一款湯品，蘭州蜜瓜、瑤柱甫加埋響螺既湯，湯頭呈奶白色，味道清甜，與爵士湯有幾分相似，卻又不盡相信，難以言喻，總之就是好喝。
再來是全晚我最喜歡的一道，鱈魚被薄薄的粉漿包裹著，入口鬆脆好吃，墊底的花椒麵醬有點點像麻婆豆腐的肉碎，令成件事生色不少。
愛麗絲的食譜是另一道心機之作，核桃酥裡頭是鮑魚粒及雞粒，起起來仲有少少似朱古力味咁，特別又好食，更要讚美師傅既創作力量同幻想。
來點清新的間一間場後，就來到我另一款欣賞的菜式。
神仙鴨子，鴨腿肉甘香又嫩滑，其湯汁更是精華所在，務必要喝得一滴不剩。
咖喱海參，咖喱走娘惹風格，不太辣卻惹味，海參這索味的好東西，吸盡咖喱汁之精華，那有不好吃之道理?
師傅仲係碟邊放上了一粒軟熟的花卷，當然又是咖喱汁的良伴。
甜品之前，是花膠淮山麵。醒胃之茄湯，吃至此時是很重要，爽身的淮山麵也真心好吃。配合一塊男女士都會喜歡的養顏花膠，呢個組合邊有得輸。
以紅豆糕，與及甜粥來作結，非常滿足！
都是愛玲宴，然而今次既菜餚與呈現方式卻截然不同，精彩程度比起上回有過之而無不及，佩服~
愛麗絲造型好似雪糕啊，唔會估到內藏鮑魚粒同雞粒👍🏻
回覆刪除師傅好creative架
刪除