Fabrice 嚐味: Green Basil

2023年6月5日星期一

Green Basil - 夏日時光

食物：$$$1/2
環境：$$$$
服務：$$$$

五月下旬，天氣開始熱，又係與陽光海灘玩遊戲的大好季節。

赤柱石澳好虛冚，新界區就要殺入黃金海岸，風光明媚絕不遜色。

黃金海岸的酒店餐廳都介紹過，不再重複，有興趣既朋友可以參考番我以前的分享。今云沒走進酒店，而是在旁邊的商場食肆搵食。

隨意走到這家泰菜館Green Basil，色彩繽紛的裝潢加上特高樓底，好有渡假feel～

炎炎天氣當然要有杯凍飲，芒果奶昔據聞唔錯，以菠蘿為主調的Mocktail都清爽怡人。

先來份烤魷魚，唔算太大條，但原隻上香噴噴。頭尾位置有點韌，中芯的魷魚筒沾上酸辣汁，倒是幾開胃。

另一份係蟹肉奄列，煎至香口，雖然不是像蛋糕般厚身，卻都有唔少蟹肉在內，可以的。而呢款酸辣醬的辣勁比剛才的更強，嗜辣的朋友應該會喜歡。

雖然呢度係間泰國菜館，卻有唔少印度美食，如今次我們選上的Roti Tissue。筆者首次嚐Roti Tissue是在馬來西亞，印象中比今次呢個脆塔還要高得多。Anyway，這個已經很好打卡了，你睇下同杯飲品比較就大概知道嗰高度。用剪刀剪開方便吃，咬落酥脆，內黏著花生碎及少少煉奶，吃起來總算香甜可口，當甜品食就是。

我真係好適合係熱帶地方生活~