食物：$$$$
環境：$$1/2
服務：$$$1/2
實不相瞞，本身的目標並不是這裡，而係H
Code樓上的串燒店。
朋友唔知幾點收到工，費事訂了枱又失約，索性佛系一點，去到有位就食，無位就去其他串燒店。
對住原先目標Birdie望門輕嘆，對面的鳥匠亦告爆滿，大概是長假期的緣故吧！走著走著，來到這所要行樓梯落後巷的隱蔽拉麵店立體派。
雖然店子地理位置並不理想，但其實是人人皆知的麵店，公開飲食網站有四百幾個笑面的。
我要了特級白湯拉麵，碗子很巨型，上枱好震撼，份量其實沒想像中的多。奶白色的湯頭，不像泓一拉麵那般誇張，味道卻總算濃郁，幼身爽口的麵條正合我口胃。旁邊三片圓碌碌的叉燒，帶肥脂，就是好。雞蛋的色水已說明一切，的確雞香是濃厚可口。
朋友的那碗沾麵更誇張，因為是五倍特濃的雞白湯味噌沾麵。你無睇錯，我亦沒寫錯，係五倍特濃！
好奇地嚐了些少，湯頭確是濃郁的厲害，配上較粗身掛汁的麵條，乃重口味人士之選。叉燒看上去沒我那份的吸引，但因為薄身，都唔會嚡口。
餃子控既筆者仲唔知死咁叫左份餃子，肯定飽到獲利回吐。幸而餃子水準不遜，皮滑味道好，沾點點辣汁，食得過。
水準不俗的拉麵店，唯一是音樂太吵，加上地方淺窄，隔離枱幾個食客又係度大聲喧嘩，十分敗興。
音樂太吵，真係好唔方便傾計。
回覆刪除