Fabrice 嚐味: 和昌飯店 - 不是呃鬼佬的

2023年6月15日星期四

和昌大押，相信是灣仔一個無人不曉的地標，年前逃過被遷拆的厄運，活化成為今天的樣子。

『當舖』的兩家餐廳，一中一西，個人對一、二樓的中餐和昌飯店較有興趣。

即興地過來飲茶，臨時臨急就坐唔到陽臺的位置，不打緊，反正室內的裝修也很有特色，無損心情。

炭火叉燒是這裡的名物，要來一客。厚切、燶邊的叉燒，已經贏左一半，再加埋本地難得的炭火燒，仲邊有得輸，入口若可再鬆化一點，就更Perfect池～

接住係一連串的點心，愛吃香口嘢既筆者，只柯打了一款蒸點，是天精草帶子四喜餃，天精草即枸杞葉，與帶子的味道融和，套上精緻不黏牙的外皮，倒是不俗。

海苔鱈魚春卷的賣相有別於坊間的春卷，擺盤是花過心思。咬落夠脆，鱈魚肉塞得滿滿的，加上少許海苔的點綴，趁熱食最好。

蘿蔔千絲酥，真是單睇個酥皮已知是好東西。大口咬下，一如預期的酥脆，裡頭的蘿蔔絲爽甜，好想Encore。

只有茶餐廳可以食到菠蘿油? 又唔一定，呢度都有！迷你Size，外皮做得好，夾一片法國牛油，邊有可能唔好食丫。

桃膠蛋白蛋撻，用上的是日本蘭王蛋，已是信心保証。蛋白是滑，桃膠份量唔少，酥皮也做得不錯，但食古不化既我還是喜歡傳統的蛋撻，那管是酥皮抑或是曲奇皮。

木桶豆腐花是二人份，兩款糖和兩堤糖水之中，我的選擇永遠是黃糖。

親身試過，呢度唔係呃鬼佬既中菜！

2023年6月15日 星期四