海外篇 : 味竹林 - 摘星夜

食物：$$$$
環境：$$$$
服務：$$$$ 

個人習慣，每趟旅程都會吃至少一餐Fine Dining或者米芝蓮星店，多年如是。

今次的福岡之行亦沒有例外，預早訂好了這家一星的日本料理，品竹林。

店主竹林讓先生在1972年開始已在大版的名店學廚，至今當然已是一位老師傅，但佢又無乜架子，想同佢合照等都有求必應。

廚子待我們安頓好後，便上菜。以薯絲打造而成的糕點及八爪魚清爽可口，我哋既胃口準備好了！

來碗清湯，清甜得令人感覺好舒服，豆腐、冬菇及魚丸也好吃，特別是後者，軟腍味鮮。

新鮮的刺身，不用花巧，白身魚的爽，赤身魚既脂香，帆立貝之甜，與及海老的緊緻，帶出不同層次，但都可以以鮮去形容，吃得滿足。

煎香既魚，跟煙韌的紫糯米，原來可以擦出火花。

接下來的一碟，可一次過滿足多個願望。其實由三文魚 (食左先記得影)，炸魚及魚糕，已經感受到師傅細心的編排。另一邊就以繽紛色彩去呈現，螢光魷魚尤其出色，玉子更是無可挑剔，好想再來一件。

燒魚的口感，教人吃得直榿拇指。

清爽的什菜，也是清甜可口，說我祟日都係咁話。

臨尾呢個飯，重點在於幾件炸蝦之上。咬落非常鬆脆，蝦肉爽彈得以為自己在吃龍蝦球，不得了。

甜品總不會太花巧，兩片清甜到一個點的西瓜，加一記抹茶雪糕，已是最好的終結。

又一趟滿意的摘星之旅~

餐廳資料:
味竹林
福岡縣福岡市中央區舞鶴1-3-14 Koenoki大樓1F