食物：$$$$
環境：$$$$
服務：$$$$
認識我既朋友大概知道，我是甚少於短時間內翻兜餐廳的，个園竹語是非常罕有的例子。
个園竹語，名字好特別，事實上个園就是一個地方，用上三撇的个，亦不是簡體字，而係竹的象形文字。估唔到改個店名都咁花心思。
話說個多星期前才跟好友來嚐過晚餐，當時已覺得食物好有質素，但兩條友實在吃不了太多，那時已想好了要再來。
剛巧有個母親節套餐是六人份量，雖不是同媽媽來，也不打緊，唔會唔准我叫的。先來的三小碟冷盤，蔥油拌海蜇清香爽脆，鎮江肴肉唔會死實實。
不過三款之中，我最喜歡的就是蜜汁脆鱔，口感鬆脆，又夠入味，做得相當好。
乾撈魚翅，足二兩，夠晒矜貴，媽媽肯定滿足。
套餐的鮑魚遼參，是用真正乾鮑，並唔係鮮鮑來敷衍你。遼參亦用上關東遼，絕不欺場。吃鮑魚遼參，汁醬是關鍵，有別於粵式的鮑汁，這份是嚐到濃油赤醬的風味，有意思。
廣東人吃魚愛清蒸，但淮揚菜就要來得複雜，起肉，以薺菜來燴，賣相很大體，薺菜香之餘，亦不失滑溜既肉質，又是另一番風味。
接著來是半隻的煙燻脆皮雞，大家的手機準備就緒，店員便打開蓋，讓仙氣十足的脆皮雞呈現在大家眼前。
皮薄香脆，肉質嫩滑，加上淡淡的煙燻香，很是吸引。沾一些自家秘制的甜醬油，帶出截然不同之風味。
套餐自然有跟個菜，咸肉百葉煮雞毛菜，清淡之中帶出咸香。
大家都知我係小籠包控，套餐跟上湯汁豐盈的小籠包，對我來說是加分位。
既然是為偉大母親而設的套餐，甜品亦要來得矜貴些，在楊枝甘露加入燕窩，好吃之餘，主角肯定會覺得好有Face.
這裡的感恩蟠桃，有別於我們常吃到的壽桃包，因為餡料是紅豆餡。
諗定要帶阿媽嚟~
記憶最深依然係同你食嗰餐嘅壽桃包，超正😋😋
回覆刪除東海既壽桃包真係無可取締
刪除