食物：$$$
環境：$$$1/2
服務：$$$1/2
事前對呢間Iza'bis
有些少期望，皆因佢有個強大既後盾，就係City
Super。
餐廳用上City
Super從世界各地搜羅回來的食材，換句話說，你吃到什麼喜歡的，都可以於連接住的超市買到。
晚餐的價錢唔會好嚇人，我揀既澳洲牛肉眼已經係最貴，盛惠$468。最平的龍蝦濃湯詫大利飯，兩舊幾水搞掂。今時今日，唔少工廠區既樓上Cafe都要呢個價錢。
沙律菜無需花巧，火箭菜與及雅枝竹，放些黑醋，簡單又開胃。
可加錢轉龍蝦湯，但我倆都沒有，要回最基本的洋蔥湯。成品沒有很濃，反而黑椒味好搶，還幸洋蔥煮得夠晒腍身。
吉列豬吃得多，吉列名古屋地雞倒是比較少吃。色澤係金黃，可是夾起有點甩皮甩骨。吃一口，外層是鬆脆，肉質亦不韌，但配上傳統吉列豬的醬汁，就有點格格不入，我還是喜歡吃吉豬多一點。再者，旁邊的椰菜絲，如果可以有胡麻醬來沾就好了。
我挑的澳洲肉眼，８安士，於我而言份量剛好。要左Medium
Rare，呢個火候佢係做到。可是師傅下鹽和黑椒也太兇了吧。
以抹茶卷蛋，配一杯香濃的咖啡作結，食物是其次，能在忙碌的日子跟朋友談天說地一番，才更可貴。
眼寬肚窄既我哋本身仲諗住要加燒廣島蠔，如彩最後都係睇定先...
Roll cake唔夠厚切喎！
回覆刪除算吧啦 XD
刪除