食物：$$$$
環境：$$$$
服務：$$$$
云云新開的餐廳之中，位於灣仔的Cafe
BAU，可說是最值得期待的一家。
運用本地食材，大膽創作，西式擺盤，意想不到的好味道，是這店的最大賣點。
或者就咁講，你會覺得好空泛。舉幾個例子，譬如腐乳泡芙，或以八珍甜醋醬汁做既沙律，聽起來好九唔搭八既東西，成品卻又好食喎，你覺得如何呢?
要試，就試佢既Tasting
Menu，最易見真章。
Amuse
Bouche之一，係腐乳泡芙。泡芙面頭放滿小蔥，幾有趣的。再咬一口，質感鬆化之餘，還滲出腐乳及Cream
Cheese的氣息，加上蔥香，蠻過癮的開端。
另一款悅口小吃的蝦他他，是預期中的清爽。面頭的不是三文魚籽，而係梭子魚籽，呢個組合又幾嶄新。
頭盤既沙律，有本地紅菜頭、燒粟米以及琥珀合桃和Burrata等，皆新鮮好吃。不過亮點係中間的汁醬，是八珍甜醋打造而成，吃起來果真有吃薑醋之感覺，創新得嚟不失美味。
長通粉有咬口，本地原素也是來自汁醬，係蜆蚧醬，估唔到兩者可以咁合拍。頂的炸得香脆的本地黃油雞中翼，乃錦上添花。
接下來的魷魚爽脆不韌，連埋沙田柚辣醬，同埋大地魚魚乾煮成的薏米一齊食，層次幾豐富的。
再來就是吃日餐會見到的立麟燒，用的就是馬頭魚，即是大家所熟悉的甘鲷。用刀切開，是清脆的『咔嚓』聲響，魚皮十分脆口，肉嫩，今次既醬汁，係陽江豆豉香醋，再配埋條白菜，真係玩到好大。
用來清味蕾的雪葩也花過心思，番石榴味既雪葩，滲出話梅的甜甜酸酸，底下仲有啲番石榴既果肉，堅好味喎！
清新完味蕾之後，就吃牛了！騸牯牛牛腩以慢煮形式去烹調，入口自然鬆化，在濃郁的乾蔥紅酒汁襯托下，成件事更上一層樓。
甜品也帶著本地風情，係甘蔗汁果凍，邊吃我就邊想吃公利。面頭幾粒洋桃肉的微酸，更能把甘蔗汁的甜味突顯出來。
另一款甜品，係以蛋撻為靈感既牛油吉士撻，配合紅棗雪糕，同樣有驚喜。
玩就玩盡佢，就連Petit
Fours都唔係簡單，除左棉花糖外，更有陳皮味既朱古力，真正由頭到尾都充滿著本地情懷。
我係度諗，如果移民左外地既朋友，能夠嚐到呢種味道，會是怎樣的滋味呢?
難得有心思之餘，又好食！
回覆刪除Btw,好少見到有雞翼喺fine dining出現，更加有地道感覺！
個Menu設計的確好有心思
刪除