花月宮 - 鍋心美食

食物：$$$1/2
環境：$$$$
服務：$$$$ 

朋友約食飯吹水，兩個人吃火鍋其實更自在。叫碟牛點些海鮮，慢慢傾慢慢淥，好快就是幾個鐘。

許多人以為打邊爐既地方必定係超嘈吵，但其實只要細心搵，不難找到些環境清靜典雅既火鍋店，譬如今次我哋到訪既呢間，花月宮。

混醬早已成為打邊爐的指定動作，有些人中意撈齊十九幾款，但我就走簡單路線，生蒜與豉油搞掂！

雖則只係兩丁友，不過都係鴛鴦湯底岩貪心既我。番茄海鮮湯好似幾吸引，沙嗲湯底配牛肉更合襯。

香港人打邊邊點可以無牛肉? 封門柳牛小排牛舌心等都有得選擇，然而我始終認為，牛頸脊是最岩食火鍋的。肉質軟嫩中帶點嚼勁，我一人可以清掉大半碟。

番茄鍋內有些蝦和菇菌，但還是再加些海鮮吧！蠔是台山蠔，自然沒美國桶蠔般巨型，勝在鮮味更出眾，與番茄湯底相得益彰。蟶子皇唔得，雖則肥美，卻勁多沙，吃起來『烚烚聲』，浪費了好物。

嚮鈴睇樣都知係自家炸，淥幾秒搞掂，軟腍之中帶點微脆，索到湯底精華，是這東西的誘人之處，沾唔沾醬汁我反而是其次。

蜂巢豆腐這吸物的東西，放在最後才吃至好。

起初仲以為要加嘢，不過食下食下都已然幾飽，大概是我們胃納太細了吧！

餐廳資料:
花月宮
尖沙咀金巴利道68號2樓
66557266