別忘了 - 忘不了的高質任食

食物：$$$1/2
環境：$$$$
服務：$$$$ 

平時好少食任食火鍋，不過近日朋友推薦荃灣呢間店，話嘢食唔錯，而且又近我屋企，抱住一試無妨既心態，柴娃娃去擦番餐。

『櫻花樹』佈滿全店，即是說，全店任何一個角落都是打卡位，女士們應該很高興。

以台式火鍋為主打，所以湯底有台式麻辣，台式藥膳當歸，椰子雞，食材有鴨血，比起荃灣大部份的任食火鍋，多一份吸引力。

四個人，開兩個鍋吧！台式麻辣拼椰子雞，另一則是番茄湯拼台式藥膳當歸。

一如許多台式任食火鍋，蔬菜及丸類等食材放出面，悉隨尊便。

等個湯底滾起需時，先食住香芋地瓜丸同埋榴槤炸彈頂下肚，只要睇準時機，新鮮炸出來即去拎，熱辣辣肯定好食，尤其是後者，熱燙加埋濃郁的榴槤味道，啪完一粒唔夠喉，要 『安哥』先掂。

小食的台灣腸、木耳、花枝丸、紹興醉雞等都交到功課，鴨血更加是重點推介，煙韌口感好有台灣風味，咁既質素任食，實在難以置信。

跟住，係食肉獸既時間！

不論是肉味較重的美國封門柳、安格斯牛小排和牛肩胛，抑或係軟滑的A5宮崎牛，以任食來講，水準真的很讚。

唔食牛既朋友也不愁沒有選擇，肥瘦均稱的鹿兒島美豚梅肉，以及個性剛烈的羊肉卷，都可以滿足到你。

花雕嫩雞夠嫩滑，放藥膳湯底那邊最合拍。

再整幾款台式滑，黑松露花枝滑、蝦滑，以及墨魚滑，都幾彈牙，如果可以一次過俾多少少，唔使不斷加單，就更好。

打邊邊有個公仔麵，滿足度會倍增。呢度主打台式，供應的就是更合心水的王子麵。淥埋條炸嚮玲，食些少窩筍同埋菜蔬，我投降了。

不過，吃甜又係另一個胃。綿滑得似韓本雪花冰的飄雪世界，令人吃完一口再一口。迷你窩夫同樣有質素，但我只能淺嚐。

每人仲有一皮Movenpick雪糕送，可是我肚皮快要爆裂，唯有放棄了。

餐廳資料:
別忘了
荃灣眾安街68號千色匯1期2樓2032號舖
23892582