食物：$$$1/2
環境：$$$$
服務：$$$1/2
傳承真的是非常重要...
以往太多老師傅將自己的技藝收埋收埋，怕教識徒弟無師傅，唔肯教授俾後輩，結果很多傳統技藝/菜色失傳，實屬可惜。
川菜大師德哥就比較開明，毫不吝嗇地傳授俾有志做麻與辣的後輩。最近德哥再次出山，與海港城點一龍合作，推出十一道川菜，為期至七月底。
食辣要做足準備，先來杯冰凍的蜂蜜愛玉。萬一辣到噴火，遠水救唔到近火，後悔就太遲。
先來幾款涼菜，口水雞賣相對辦，辣中滲出點點麻香，有層次的。雞肉嫩滑，唔係用啲雪到死實實的貨色來做辣，有分加。
夫妻肺片也不俗，牛內臟每片切得薄薄的，但不失口感，沾埋麻辣度與剛才口水雞相若的汁醬，吃得過癮。
個人素來喜歡愛雲片白肉，薄身而肥瘦有致的豬肉，入口鬆軟帶脂香，結合辣味、微甜，以及大埋的蒜香，十分醒胃。
理應辣度最強的辣子雞，反而唔算太刺激。雞粒比正常的切得較大粒，還好入口鬆脆，有點點像吃台式鹽酥雞的影子，但食古不化既筆者，始終鍾情要在辣椒埋中尋找小雞粒的正宗歌樂山出品。
在座有一半朋友不吃牛，但作為牛魔王，又總唔會錯過水煮牛肉的。牛肉片幾嫩口的，又唔會失晒真咁，加上麻香，可以。不吃牛的，就只能向墊底的芽菜進攻了。
以往多半會吃乾燒蝦球，今次就選來味型稍有不同的魚香蝦球。同樣有著酸酸甜甜的味道，卻又再多一份咸香，是魚香做法的獨特之處。
單尾的擔擔麵贏在麵質，即使放了一陣子，麵質依然爽口，不怕被浸腍。四川擔擔麵有太多不同版本，今次呢款帶一點湯的，吃得舒服。
甜品是傳統的紅糖糍粑。許多地方的師傅為省功夫而購入現成貨，口感死實。這裡的當然堅持自己做，還將之做成一粒一粒，吃得更方便之餘，外層亦有更多接觸面可沾上紅糖及黃豆粉，幾好。
好似挑起左大家既辣癮，趁就快可以十人一枱，不如重啟已停辦已久的辣局?
好耐無食過擔擔麵啦，耐到唔知道應該去邊到食好😅
回覆刪除重啟辣局舉腳贊成。
回覆刪除