食物：$$$1/2
環境：$$$$
服務：$$$$
限聚令放寬，嗱嗱臨仆去飲茶。
往時去海景軒，多數會請梁師傅幫忙預先寫好菜單，不過今次就隨意點兩份午餐，再加些點心就好。
套餐既第一道，係叉燒拼海蜇，叉燒偏瘦，特別在於用上五糧液，其香氣與一般的叉燒略有不同。
接著來的灌湯餃，是浸湯的版本。個子蠻大，漲卜卜的，個子蠻大，漲卜卜的，個湯本身也夠清甜，帶金華火腿的香氣。
食食下，發現原來仲有隻小鮑魚在灌湯餃既下面，意外收鑊。
套餐有三款點心，外型有幾分像石榴粿的，其實餡料係換上了菇菌及和牛，更岩我呢個牛魔王。蝦餃皮不黏牙，但全是蝦肉餡，我會中意有筍尖的多一些。最吸睛的無疑是碧綠蟹肉四寶餃，蟹肉餡之外，頂頭點點蘿蔔、菇粒、粟米等也豐富了口感。
接著來幾款套餐之外的點心，XO醬煎腸粉做得香口惹味，辣度不弱的，對我而言是剛好，仲可配些甜醬麻醬來吃，更添風味，也可中和其辣度，對怕辣的人來說係及時雨。
春卷香脆熱辣不在話下，用上火鴨絲作餡料又深得我心，比起傳統用菇絲豬肉絲來得更加香口。
大粒飽滿既豬肉燒賣本已合我心水，頂頭加一小片的松茸，香氣更甚。
狀元煎茶粿素來係海景軒係名物，底部脆，口感煙韌不黏牙，配以菜圃雞粒等餡料，神級之作。
返番套餐，魚湯杞子浸時蔬係唔講得笑，湯頭一流，娃娃菜和菜心清甜嫩口，幾粒蒜更加不容錯過。
單尾荷葉飯與雪菜肉絲炆鴛鴦米各一，前者陣陣荷葉香，飯粒腍身但保留應有咬口，混埋好足料既雞粒、蟹肉、冬菇等，蠻不錯的。
鴛鴦米爽身，唔會碎濕濕，而且很足料，啖啖蟹肉，不比荷葉飯遜色。
甜品方面，蛋白杏仁茶一向出色，另外鮮奶卷都超好食...
鮮奶卷聽落幾吸引下喎。
回覆刪除吸引架
刪除好豐富的一餐
回覆刪除