NOC Coffee Co. - 久違了的浦 Cafe日子

食物：$$$1/2
環境：$$$$
服務：$$$1/2 

出尖沙咀交低啲手尾俾已停業既客，事前先搵地方醫肚。

諗諗吓，原來自己在疫情下已好耐無浦過Cafe，趁今次大鄉里出城，就找間咖啡室放鬆一下，結果來到了NOC Cafe。

疫情前的NOC，無時無刻都要排大隊，想坐低食都唔係容易事，所以我只嚐過這兒的蛋撻，與及咖啡。

不過，今時今日，再人氣的店子，也可以直行直入。

嘟左安心，掃埋針卡，量完體溫，可以找個位置隨便坐下，店員會奉上口罩套，同埋俾個QR Code你，自行落單。

點左份賓尼特蛋，原來有跟一小碟沙律。沙律菜是挑選過的，大片又新鮮，Dressing清新而不過酸，還混入少許黎麥來豐富口感，倒是不錯。

賓尼特蛋可揀三文魚或者煙肉作配，個人總覺得煙肉有點格格不入，所以就要三文魚。看上去是靚仔的，但不太正宗，譬如說墊底的並不是英式鬆餅，而係酸種多士，同埋，點解荷蘭醬會是偏綠色的呢?

原來，是加入了牛油果，對許多人來說可能是喜訊。破開雞蛋，是流心的，我甚至嫌佢太過流，其實那種像半啫喱狀的形態，才是最高境界。Any肥，酸種多士吸收了蛋汁後，便不會太硬，跟埋煙三文同吃，也是合格的。

吃主菜，便可加廿五蚊有杯咖啡，當然要來杯 Flat White了。單是點杯咖啡，也有多個選項，例如可轉Oat Milk，Double Shot等等等等... 對細節位既講究，便可知道其出品肯定唔會太離譜。

較Nutty的咖啡豆，咖啡味突出，唔差既，但並不是最對我口味的出品，就是久一點點醇和的感覺。

餐廳資料:
NOC Coffee Co.
尖沙咀麼地道68號帝國中心地下G35-37, G43-47A號舖
37021533