2021年10月21日 星期四

PS Dessert Cafe - 橫街窄巷的精緻蛋糕



食物:$$$$
環境:$$$$
服務:$$$$ 

久唔久會想買些蛋糕回家,同屋企人分享,始終嚐過飯後甜品,感覺比較圓滿。

人在紅磡,雖然過尖沙咀買蛋糕也很方便,而且有多許多選擇,不過懶就係懶,無動力跳上巴士或小巴。

忽然醒起青州街這條小街,有間新開的Dessert Cafe,從來沒試過,不如俾次機會佢?

站在餅櫃跟前,件件蛋糕都很精緻,最吸睛的一款,個人認為是木乃伊。當然,這款係為萬聖節而設的特別版本。『麻布』之下,其實係黑森林蛋糕 (仲要係Gluten Free)。朱古力蛋糕加入醒胃的車厘子,好穩陣既配搭,也是兒時的美好回憶 (細個嗰時唔係黑森林,就係鮮忌廉什果蛋糕啦)。這款有造型既黑森林,好逗人開心。

店家有四款Fruit Hamper,用上不同的水果,分別係士多啤梨、車厘子、藍莓,以及芒果。幾件之中,我最有興趣芒果 (夠濕熱()),伴以吉士來做個果撻,總會受大眾歡迎。

心型的這件『打開心窗』,白色的外表並不是由白朱古力打造而成,而是加入了熱情果的成份,所以並唔會勁甜,反而是帶出酸香。面頭的小心心,也是熱情果啫喱,甜甜酸酸好開胃的。

最後一件的玫瑰花造型好高貴,海綿蛋糕結合玫瑰味既果占、草莓慕絲和紅莓啫喱等,成件事好清新的,合口胃。

以前食蛋糕,最愛重口味的特濃朱古力,隨住不同階段,口味亦有所變化...

經過這店好幾次,都是空無一人,希望佢頂得住啦~


餐廳資料:
P.S. Dessert Cafe
紅磡青州街3號紅磡花園地下B號舖
23800522
https://www.psdessertcafe.com/


5 則留言: