食物:$$$1/2
環境:$$$$
服務:$$$1/2
深水埗太子一帶的咖啡室,車載斗量,每隔兩步就有一間,但大部份都很爆場,需要排隊入座,唔到你唔服。
近期,這咖啡戰團,已漸漸延伸至長沙灣,甚至領展場都唔放過,真係好痴線。
幾十年的舊屋村商場,竟有新店進駐,咖啡室命名為Lumiere一盞燈,我在濶太的IG發現。
倘大的地方,走日系禪風,好舒服的一間店子。不過據濶太所講,食物質素仍需時慢慢提升,因而我在附近先吃過午餐,才過來食件蛋糕,歎杯咖啡。 或許對食物沒有太高的期望,第一件的白色乾果花蛋糕,甜度沒想像中高,大概是被果酸中和了,加上質感實在的蛋糕,水準比預期中好。 另一款係熱情果撻,喜歡其酸甜味道去得夠盡,撻皮並不是走鬆脆路線,而係略帶煙韌的版本,亦無不可。 Flat White也好,Latte也好,均擁有精緻的拉花,以及順喉的質感,喝下去蠻舒服的。 可能係新開店既關係,運作仍未算十分暢順,龜速出餐,大家要俾少少耐性,或者揀個唔趕時間既日子前來。讓我學習下慢活吧!
有靚拉花,即時加分😍😍
回覆刪除你個邊唔興拉花, 心理上係差少少 XDDD
刪除喜歡那咖啡杯!
回覆刪除隻杯係幾靚
刪除