2021年10月12日 星期二

紅寶石冰室 - 陰陽路上的貓店長



食物:$$$
環境:$$$
服務:$$$ 

繼續吃在陰陽路上~

之前介紹過紅磡近大酒店的一家舊式老店,東門冰室,其章魚餅及豬扒都做得不錯,我時不時會去幫襯。

成日食東門都有啲厭,人在陰陽路上,總會有多於一個選擇,今次又講講附近的另一間冰室,叫紅寶石,客路都係以『世界仔』為主。

食物款式與味道,其實全沒有過人之處,能吸引我好間中去惠顧一次半次,只係呢隻懶洋洋的貓店長。

西炒飯是我喜愛吃的茶記美食之一,於我而言,合格既西炒飯要夠茄,腸仔片要夠多。然而這碟出品,酸度不足,配料有火腿、蕃茄、蛋,甚至叉燒粒,獨欠腸仔,因此,這出品在我心目中,只是填肚貨色。

但其實西炒飯原來已不錯,炒公仔麵更加出事。與其說是炒公仔麵,我覺得稱做撈公會更為貼切,一點鑊氣也沒有。

凍奶茶就是太多奶,欠缺茶香,失衡。

或許,這類餐廳的功能是充飢,大件夾抵食最為重要,味道暫且放埋一邊。

臨離開紅磡,我會再來探一次貓喵既...


餐廳資料:
紅寶石冰室
紅磡老龍坑街1號E
23625579

4 則留言: