食物:$$$$
環境:$$$
服務:$$$1/2
同老豆吔飯,唔使次次上高級食肆既,簡簡單單食茶記又一餐。
荃灣路德圍有間新開張的茶餐廳,主打炸雞髀,賣點係大過你塊面,我想帶老豆去朝聖。
原來老豆都知道呢間嘢,只係經過幾次都要有長長人龍,所以至今仍沒嚐過。
來得快好世界,若然遲十分鐘,就要在烈日當空下乾煎排隊等候。
老豆不吃雞髀,反而叫了避風塘豬扒飯。偷左一件來試,口感鬆化,辣度於我而言是剛好,又夠惹味,水準不俗。 我就一心來食其『神級雞髀』的,所以就點了神級雞髀煎蛋飯,簡單的伴上豉油汁就好。成品送上,果然是龐然大物,用刀切開, 『咔嚓』的聲響已說明一切。雞皮的確是非常香脆,肉質嫩滑有汁,即使未必是我吃過最出色的雞髀,也肯定在三甲之內。雞髀吸引,可惜煎蛋就太熟了,拉低了分數。
老豆飲傳統既紅豆冰,而我則對奶茶紅豆冰較有興趣。 據聞前者唔錯,筆者的一杯,奶茶滑溜,紅豆大粒又味道香甜,滿意。店子生意好得應接不暇,眼見好多人打算叫外賣,都被回應一句:唔好意思,外賣起碼要等半個鐘以上~
就咁... 就流失了唔少客。
近排呢邊都好興食生炸雞脾,可惜我唔好。
回覆刪除間中食一次, 都幾爽皮架
刪除我再去試埋豬手同牛扒飯就一般,都係炸雞脾同豬潤正D!
回覆刪除佢keep到個炸髀掂, 其實已經會成功
刪除