食物:$$$$
環境:$$$$
服務:$$$$
離開公司的,遠走他鄉的,呢幾個月食Farewell飯食到窮。
舊部有好路數,肯定替他高興,要找個地方食餐飯,當係慶祝又好,交換情報也好。
說是就佢地點,選址荃灣愉景新城的新Cafe,查實我也非常方便,食完可以徒步走回家。
與其散叫,倒不如柯打兩份晚餐,更為划算。前盤可揀餐湯或沙律,就各一。磨菇忌廉湯很濃香,沙律菜則新鮮醒胃,俱不錯。 前菜合格,主菜之鵝肝牛肝菌意大利飯就更合心。鵝肝雖不很大塊,卻尚且厚身,煎至表面微脆,甘香溶化,意大利飯味道濃郁,吃此品最重要還是看口感,煙韌而帶咬口的出品,做到我的要求。 另一份係香草意大利春雞,店員提醒這道菜會比較重口味,我們沒有問題。半隻春雞,髀位留了給主角吃,筆者嚐到的雞胸,也不會嚡口,味道的確比一般的重,大概是香料的氣息,但我是絕對接受到。 為左吹耐啲水,就點份甜品分吃。幾款選擇之中,舊部對牛乳雪糕窩夫最感興趣,我樂意奉陪。窩夫大致鬆脆,牛乳雪糕是日本貨,很香很細滑,伴上士多啤梨漿,甜胃都得到滿足。 飲埋杯Flat White,就真係圓滿了。出到去做Dept Head,有好大既發揮,要加油囉~ 睇好你架!
晚餐都可以飲啡,勁!
回覆刪除宵夜都可以飲呀!
刪除近年分離的感受真的太深!
回覆刪除仲未完, 大把排住隊~
刪除