2021年8月2日 星期一

HIKARI - 偽日遊



食物:$$$1/2
環境:$$$$
服務:$$$$ 

忘了何時開始,Cafe店多得有如恆河沙數,梗有一間係左近。

以往經常投訴荃灣想飲杯咖啡都難,家陣當然要收口了,該區既咖啡店,我到今時今日仍未試得晒。

又一間新店,有個日本名字,叫Hikari,樓高兩層。

天天睇奧運,就更令人記掛日本,一於去這所日系咖啡室,偽旅遊一下。

輕煎日本吞拿魚,嫩紅既顏色,邊邊位灑上黑白芝麻,恭整的排好,還有些花瓣等作為點綴,是令人有所期待的。然而,吃起來是偏實,味道略為淡口,與想像中有少許出入,要靠檸檬汁及醬油來修繕。

相比之下,牛油果蟹肉他他就好得多。用上新鮮蟹肉,而且份量蠻多。蟹肉跟牛油果蓉一拍即合,是清爽又健康的美食。怕味道太單調的話,廚子更在旁唧上了芒果醬及草莓果占,增添味道與層次,但個人覺得不需要了,本身已經好夠味。

甜品係Dirty Tiramisu,份量當然有番咁上下,賣相亦比預期中出色。口感細滑,香甜之中滲出陣陣咖啡及可可粉之甘澀。此外,還混入了OreoLadyfinger,與及Kit Kat等,層次感更豐富,我倆是蠻喜歡的。

順喉有奶香的Flat White,是我的心水。

我諗,好快又會係間旺場店,要試趁早,否則可能排到天荒地老。


餐廳資料:
HIKARI
荃灣大壩街21號地舖



4 則留言: