Diff. Cafe - 街角小店

食物：$$$1/2
環境：$$$1/2
服務：$$$$ 

荃灣家陣有唔少Cafe，我要逐一擊破！

是日目的地，Diff. Cafe，是一間小店，坐唔到一打人。

可能轉角有新咖啡室剛開業的關係，我倆近一時的繁忙時間來到，竟然不用等位，實在感恩。

午餐跟湯或者沙律，都要了湯，係甘筍湯，味道濃郁，最重要是溫度足，我最怕喝此溫溫吞吞的湯水。

香噴噴的薄餅送來，形狀不太圓，反而像水滴形，有趣。是薄批，邊位烘得脆口。鴨胸、車厘茄等配料不是重點，醒胃的千島醬才更討我歡心。無錯，呢個出品係有點港式，至少味道做得合格。

墨汁海鮮意粉是店家的招牌菜，幾乎每枱都有叫上，那又即管一嚐，同好友鬥快變烏咀狗。除了墨魚仔以外，再也找不到別的海鮮，意粉雖是爽身，卻仍不是我最愛的口感，或許是我期望過高吧~

好友的曲奇妙趣，比起我杯Flate White似乎更吸引，大熱天時係應該飲凍飲既。

浦咖啡店，的確是假日既最佳節目。

餐廳資料:
Diff. Cafe
荃灣享和街16號嘉華樓地下D號舖
35908964